سرگودھا میں الیکٹرک بس منصوبے کی افتتاحی تقریب سے خطاب میں مریم نواز نے کہا جن کے گھر متاثر ہوئے ہیں ان کو 10لاکھ روپے دیں گے،مکانات کے جزوی نقصان پر 5لاکھ روپے دیئے جائیں گے، جس کی بھیڑ یا بکری بہہ گئی اس کو 50ہزار روپے دے رہے ہیں،
انہوں نے خطاب میں کہا کہ یہ پاکستان میں تاریخ کا بدترین سیلاب آیا،پاکستان کے تین دریاؤں میں شدید طغیانی آئی،تاریخ کے بدترین سیلاب سے 27شہر اور5ہزار گاؤں متاثر ہوئے،تیاری نہ ہوتی تو بڑے جانی نقصان کا اندیشہ تھا،اگر ہم جاگ نہ رہے ہوتے تو بہت زیادہ نقصان کا خطرہ تھا،ان کاکہناتھا کہ25لاکھ افراد کو ریسکیو کرکے محفوظ مقامات تک پہنچایا،ہر ضلع میں 10ہزار افراد تک تیار کھانااور ادویات پہنچائیں،لاکھوں جانوروں کوریسکیو کرکے محفوظ مقامات تک منتقل کیا ،اہم اس پنجاب کے رہنے والے ہیں جہاں انسانوں کیساتھ جانوروں کی بھی قدر ہوتی ہے۔
