زندگی کے 18 اشیا ضروریہ ایک ہفتے کے دوران مہنگی،

 ادارہ شماریات کے مطابق  ایک ہفتے کے دوران ہائی اسپیڈ ڈیزل 2.79روپے فی لیٹر مہنگا ہوا،  فی کلو گرام ایل پی جی کی قیمت 1.42 روپے اور ایک درجن انڈوں کی قیمت 2.89 روپے بڑھی۔ چاول، بیف، دال مونگ اور آلو بھی مہنگی ہونے والی اشیا میں شامل ہیں۔ دوسری طرف  فی کلو ٹماٹر 52.36 روپے سستے  اور چکن 58.27 روپے سستا ہوا۔  گندم کے آٹے کا 20 کلو تھیلا 53.82 روپے سستا ہوا۔ ایک ہفتے کے دوران بجلی کی  فی یونٹ قیمت میں بھی 32 پیسے کمی ریکارڈ کی گئی ۔  کیلے ،لہسن،پیاز،چنے اور دال ماش بھی سستی ہونے والی اشیا میں شامل ہیں ۔ تازہ دودھ  اور دہی سمیت 19 اشیا کی قیمتیں مستحکم  رہیں۔